يا ليلة اول بالحزن لأم الحسن عزيها
من شافت هلال الشهر نار الحزن تكويها
نشرت ملايكتة السما ثوب الحسين اممزق
وثوب العقيلة الطاهرة بنار الخيام امحرق
ياساعد الله فاطمة بسيل المدامع تغرق
ونار التشب وسط القلب ما واحد ايطفيها
عرش الله ناصب ماتمه وكل الملائك تحضر
من يقرا جبريل العزا ويذكر ذبيح المنحر
ظامي صريع بكربلا وحيدر امير الكوثر
من بعده ما ظن شيعته ماي العذب يرويها
من شافت اهلال الشهر الزهرة جرت دمعتها
وتذكرت ام الحزن من صاحت وندبتها
ما عدها حامي ولا ولي زينب بعد اخوتها
وينك يعباس اتحضر يالكافل وتحميها
والعجبه بت حيدر علي شلون العدا تهضمها
جدها النبي المصطفى والزهرة هيه امها
واعظم مصايب كربلا بسوطه الشمر ورمها
يا شيعه هذه الحادثة لازم ابد نحييها
لو هل محرم بالسمه يا ساعد الله الزهرة
العاشر ترجعه بالزمن ومصرع ولدها اتحضره
تشوف الشمر فوك الصدر بيده يحز بنحره
وما غير سيف المنتظر هو الذي يواسيها
بقلم الشيخ محمد الشيخ عبدالله آل عبدالله