يبو صالح
يمهدينه - كلنه بمحرم - جينه للمجلس - نهمل الدمعه
يبو صالح
وبرفيع الصوت - صحنه آيحسين - وبدموع العين- نواسي البضعه
يبو صالح
ولو شربنه الماي- نذكر العطشان - بكربلا وحيران - ونندبه وننعه
يبو صالح
وبشهر عاشور - صوت ابواليمه - المنسفك دمه - بكربلا انسمعه
يبو صالح
بجدك انعزيك - جينه ونواسيك - وندري نار البيك - تحرك الوسعه
يبو صالح
تذكر لزينب - شلون تتسلب - و الكلب يلهب - عمتك اتلوعه
يبو صالح
ذكرنا لمثلث - وجدك وصدره - والكطع نحره - لنحرك ايكطعه
يبو صالح
ونذكر العباس - وكطعة الكفين - والسهم بالعين - كللي شيطلعه
يبو صالح
عالنهر عباس - زينب تناديه - خويه طايح وين - للنهر تسعه
بقلم خادم الحسين ع الشيخ محمد الشيخ عبدالله آل عبدالله